|
ՔԱՂԱՔԱՊԵՏԻ ՙՆԱԶԻՐ-ՎԵԶԻՐՆԵՐԸ՚ ՀՐԱՄԱՅԵԼ ԵՆ ՏԵՂԱՓՈԽԵԼ 40 ՏԱՐՎԱ ԱՎՏՈՏՆԱԿՍ Ես բնիկ Երեւանից եմ, իմ հայրն էլ, իմ պապն էլ ծնվել են Երևանում: Մեր շենքի բակում դեռևս 1970-ականներից հորս անունով տեղադրված է մետաղյա ավտոտնակ, որի վերաբերյալ ունեմ տեղադրման թույլտվություն: Քաղաքային իշխանությունները վերջերս գրավոր ծանուցում են ուղարկել, որ այն խանգարում է բակի բարեկարգման աշխատանքներին եւ որպես շարժական գույք ենթակա է տեղափոխման: Պատկերացնու±մ եք, քառասուն տարի անշարժ կանգնած օրինական ավտոտնակը հանկարծ Երեւանի քաղաքապետի կողմից դիտվում է շարժական գույք, իսկ նրա ՙնազիր-վեզիրներն՚ էլ հրամայում են, որ տեղափոխեմ: Հիմա իմ գույքը շարժակա±ն է, թե` անշարժ:
Կորյուն, ք. Երևան. Օրենսդիրը նաև հնարավորություն է տալիս անձանց (այդ թվում նաեւ իրավաբանական անձանց) պատվի, արժանապատվության և գործարար համբավի պաշտպանության համար դիմելու դատական ատյաններին, ուստի, հարգելի Կորյուն, խորհուրդ եմ տալիս ձեր խոսքերի մեջ հետագայում լինել զգույշ: Ինչ վերաբերում է այն հարցին, թե 40 տարվա տեղադրված մետաղյա ավտոտնակը շարժական է, թե` ոչ, ապա կարծում եմ, որ այն շարժական գույք է, ստորև բերվող հիմնավորմամբ: Ըստ ՀՀ քաղաքացիական օրենսգրքի 134 հոդվածի պահանջի` անշարժ գույք են համարվում. ա) հողամասերը; բ) ընդերքի մասերը; գ) մեկուսի ջրային օբյեկտները; դ) անտառները, բազմամյա տնկիները; ե) ստորգետնյա եւ վերգետնյա շենքերը, շինությունները; զ) հողին ամրակցված այլ գույքը, այսինքն` այն օբյեկտները, որոնք անհնար է հողից անջատել, առանց այդ գույքին կամ հողամասին վնաս պատճառելու կամ դրանց նշանակության փոփոխման, դադարման կամ նպատակային նշանակությամբ հետագա օգտագործման անհնարինության: Մետաղյա ավտոտնակն, իմ կարծիքով, չի մտնում օրենսդրի կողմից օրենքի ուժ ստացած անշարժ գույքի ցանկում, ուստի վերոշարադրյալ հոդվածի 2-րդ մասով համարվում է շարժական գույք:
|