04․03.2023թ.

<<ԱՌԱՎՈՏ>> ՕՐԱԹԵՐԹ

Դատավորները հրաժարվում են պատասխանել, փաստաբաններն են պատասխանում

Կատարողական վարույթով պարտապանները, խուսափելով կատարել օրինական ուժ ստացած դատական ակտի պահանջները, հաճախ վարչական դատարանում արհեստականորեն վիճարկում են հարկադիր կատարողների՝ «Որոշակի գործողություններ կատարելուն պարտադրող կամ որոշակի գործողություններից ձեռնպահ մնալուն հարկադրող» որոշումները։ Վիճարկման հայցի ներկայացմանը զուգահեռ վերջիններս Վարչական դատավարության օրենսգրքի 83-րդ հոդվածի 2-րդ մասի վկայակոչմամբ միջնորդում են կասեցնել հարկադիր կատարողի որոշումների կատարումը։ Որոշումների այս տեսակն առանձնահատուկ է այնքանով, որ հարկադիր կատարողը դրա միջոցով տառացիորեն պարտապանի վրա է դնում օրինական ուժ ստացած դատական ակտի պահանջները որոշակի ժամկետում կամովին կատարելու պարտավորությունը։ Դատական պրակտիկայի ուսումնասիրությունը փաստում է, որ բոլոր այն դեպքերում, երբ դատարանները, վիճարկվող որոշումների բովանդակությունը համադրում են օրինական ուժ ստացած դատական ակտի եզրափակիչ մասի հետ եւ համոզվում, որ դրանցով պարտապանի վրա դրված պարտավորությունները բխում են դատական ակտի եզրափակիչ մասից, դատական ակտի կատարմանը խոչընդոտելու հարցում շահագրգիռ Հայցվորների միջնորդություններն արդարացիորեն մերժվում են։ Այնուամենայնիվ, քիչ չեն նաեւ դեպքերը, երբ դատարանը հիշյալ փաստական հանգամանքը չի պարզում, ինչի արդյունքում անհարկի կերպով կասեցվում է տառացիորեն դատական ակտի կատարմանն ուղղված հարկադիր կատարողի որոշումը։ Ստացվում է՝ բոլոր այն դեպքերում, երբ վիճարկվող որոշմամբ պարտապանի վրա դրված պարտավորությունը տառացիորեն բխում է օրինական ուժ ստացած դատական ակտի եզրափակիչ մասից, դատարանների կողմից քննարկվող որոշումների կատարումը կասեցնելը նույնն է, ինչ անորոշ ժամկետով հետաձգել օրինական ուժ ստացած դատական ակտի կատարումը՝ հղի անդառնալի հետեւանքներով։ Դատական պրակտիկան ցույց է տալիս, որ տարիներ անց, երբ ի վերջո երեք ատյաններում ավարտվում է վարչական գործի քննությունը, այդպես էլ չի վերացվում ձեւականորեն վիճարկված եւ կատարումը կասեցված հարկադիր կատարողի որոշումը։ Սա պատահական չէ, քանի որ պարտավորությունը, որի կատարումը քննարկվող տեսակի որոշումներով հարկադիր կատարողը դնում է պարտապանի վրա, սահմանում է ոչ թե հարկադիր կատարողը, այլ գործով արդարադատություն իրականացրած դատարանը։ «Առավոտը» դիմեց մի քանի դատավորների, որոնք խուսափեցին պատասխանել վերոնշյալ հարցի շուրջ մասնագիտական պարզաբանումներից: ՀՀ փաստաբանների պալատի երկու անդամներ արդեն իսկ բարձրաձայնել են այս հարցի մասին՝ Հասմիկ Օհնիկյանն ու Միքայել Ահարոնյանը: «Արդյոք ներկայացված իրավիճակը չի ոտնահարում օր առաջ դատական ակտի կատարման հարցում շահագրգիռ կողմի՝ օրինական ակնկալիքներն ու խախտում վերջինիս՝ ՄԻԵԿ 6-րդ հոդվածով երաշխավորվող արդար դատաքննության իրավունքը (որի անբաժանելի մասն է կազմում նաեւ վերջնական դատական ակտի ժամանակին կատարումը)։ Ինչպե՛ս է հնարավոր դատական պրակտիկայում ապահովել հարկադիր կատարողի քննարկվող տեսակի որոշումները կասեցնելու պահանջով անբարեխիղճ պարտապանների միջնորդությունները բացառապես օրինական ուժ ստացած դատական ակտի կատարման պարտադիրության եւ անհապաղ կատարման լույսի ներքո քննարկումը» հարցերով դիմեցի «Լեւ Գրուպ» փաստաբանական գրասենյակի հիմնադիր, փաստաբան Լեւոն Բաղդասարյանին: «Ոչ, չեմ կարծում։ Առերեւույթ օրինական ուժ ստացած դատական ակտի կասեցումն այլ դատական գործով հայցի ապահովում կիրառելուն պայմանավորված աղերս չունի իրավունքի խախտում դիտել։ Ինչպես ՀՀ հիմնական օրենքով, այդպես էլ ձեր կողմից հղում կատարած կոնվենցիայի ուժով, ցանկացած պետական լիազոր մարմնի գործողությունը կամ անգործությունը ենթակա է դատական պաշտպանության։ Եթե նժարի մի թեւի վրա դնում ենք դատական պաշտպանության իրավունքը թեկուզեւ առերեւույթ ձեւական, մյուս թեւի վրա օրինական ուժ ստացած դատական ակտի կատարման ժամանակավոր կասեցումը, արդարադատության շահը պահանջում է տվյալ խնդրի հարցի դատական պաշտպանությունը։ Ինչ վերաբերում է իրավունքի առերեւույթ չարաշահումներին, ապա նոր հեծանիվ պետք չէ հայտնագործել ինչպես ռոմանագերմանական, այնպես էլ անգլոսաքսոնական իրավական համակարգերի բազմաթիվ երկրներում, հայցերը քննելուց, մերժելուց հետո տրվում է նաեւ իրավական գնահատական եւ ակնհայտ ձեւական կամ ակնհայտ անհիմն հայցերի դեպքում դատական ծախսերը, նման դեպքերով նաեւ բարոյական վնասները բազմապատկվում են։ Ավելին՝ իրավունք են վերապահում նաեւ շահագրգիռ անձանց վնասի, այդ թվում՝ բաց թողնված օգուտի պահանջներով դիմել դատական պաշտպանության: Հայաստանի դատարանները, ցավոք, դատական ծախսերը, մասնավորապես, փաստաբանի ողջամիտ գումարը հաշվարկելիս անհոդաբաշխ, չափազանց նվազ գումարներ են հաշվում, որն էլ տեղիք է տալիս հաճախ ակնհայտ անհիմն պահանջներով ծանրաբեռնել դատարաններին»,-ասաց Լ.Բաղդասարյանը:

Լ.Բաղդասարյանը նաեւ նշեց, որ Անգլիայում դատավորին իրավունք է վերապահում կես տարի կամ մեկ տարի զրկել փաստաբանին կամ դատախազին իր վարույթի գործերի մասնակցելուց՝ փաստաբանի կամ դատախազի կողմից անպատրաստ լինելու կամ ձեւական «ակնհայտ անհիմն հայցեր» ներկայացնելով պայմանավորված:

Ռուզան ՄԻՆԱՍՅԱՆ

«Առավոտ» օրաթերթ

24․02․2023 թ.

«ՀՐԱՊԱՐԱԿ ՕՐԱԹԵՐԹ»

ՄԵՔԵՆԱՆԵՐԻՆ ՓԱԿՑՆԵԼ ՀԱԱԳԱՅԻ ԴԱՏԱՐԱՆԻ ՈՐՈՇՈՒՄԸ

Հաագայի դատարանի որոշումն անհապաղ միջոցառումներ կիրառելու, անհապաղ Լաչինի միջանցքով հայերի տեղաշարժն Ադրբեջանի կողմից չխոչընդոտելու պահանջին Ադրբեջանը պաշտոնական դիրքորոշում է հայտնել, որ երբևիցե չի խոչընդոտել, այսուհետ ևս չի խոչընդոտելու։

Հայաստանն ու Արցախի իշխանությունները պարտավոր են միջոցներ ձեռնարկել միջազգային դատարանի որոշումն ի կատար ածելու համար:

Ընդ որում, տեղաշարժվող յուրաքանչյուր մեքենայի դիմապակուն հայերեն ու անգլերեն կամ ֆրանսերեն լեզվով պետք է փակցնել դատարանի որոշումը։

Հակառակ պարագայում, իրավամբ, ոչ մի սահմանափակում էլ չկա հարևան մելիքության կողմից։

Լևոն Բաղդասարյան, փաստաբան

28.01.2023թ.

«IRAVUNK. com» լրատվական կայք

Անհապաղ փոխել Սահմանադրությունը և կիրառել օրենքի դիկտատուրա՝ իրավունքի գերակայությամբ

Առաջնորդն իրավունք չունի զենք բարձացնել, խոսել բարկության կամ վրեժի պատճառով։ Այն պետք է լինի պայմանավորված միայն պետության շահերից ելնելով, որովհետև բարկությունը կարող է փոխվել ուրախության, վրեժը՝ բարյացակամության։
Պետության խաղաղությունն, ինչպես ներքին, այնպես էլ արտաքին, նաև բանակի անխախտությունը պահելու ճշմարիտ ճանապարհը սա է։
Շնորհավոր Հայոց Բանակի Ծնունդը։
Անհապաղ փոխել Սահմանադրությունը և կիրառել օրենքի դիկտատուրա՝ իրավունքի գերակայությամբ։

Լևոն Բաղդասարյան
Լեվ Գրուպ փաստաբանական գրասնյակի գլխավոր տնօրեն

25.01.2023թ.

«IRAVUNK. com» լրատվական կայք

Չես կերակրի սեփական բանակիդ, պարտավոր կլինես կերակրելու օտարի բանակը.միանում եմ ապաքաղաքական նախաձեռնությանը

<<ՔԵԶ ՀԱՄԱՐ ԶԻՆՎՈՐ>> ՆԱԽԱԳԾԻ ԱՅԸՆՏՐԱՆՔԱՅԻՆ ՆԱԽԱՁԵՌՆՈՒԹՅՈՒՆԸ միասնական ճակատով շարունակում է համալրվել ամենատարբեր հայտնի եւ ազգընտիր անհատներով: Նախաձեռնությանը իր մասնագիտական գործունեության սահմաններում աջակցությունը հայտնելու պատրաստակամություն է հայտնել նաեւ «Լեւ Գրուպ» փաստաբանական ընկերության հիմնադիր-ղեկավար ԼԵՎՈՆ ԲԱՂԴԱՍԱՐՅԱՆԸ, ընդգծելով.

-Չես կերակրի սեփական բանակիդ, պարտավոր կլինես կերակրելու օտարի բանակը: Միանում եմ պրոֆեսիոնալ լրագրողի՝ ապաքաղաքական «Քեզ համար զինվոր» նախաձեռնությանը։

22.01.2023թ.

«IRAVUNK. com» լրատվական կայք

Անգամ ապիկար իշխանավորիդ ,զորավարիդ կոշիկի տակի ցեխը չպետք է փոխես օտարի հետ. Փաստաբանը ահազանգում է տարածված արատավոր երեւույթի մասին

Այսօր տարբեր երկրներից,այդ թվում նաեվ Ռուսաստանից,Եվրոպայից ժամանած շահագրգիռ փորձագետների հետ քննարկվում էր զեկույցս Եվրոպական կոնվեցիան եվ քսանմեկերորդ դարի թուրքիան,նաեվ ռուս թուրքական Կարսի առոչինչ պայմանագրի իրավական հետեվանքները,,,

Զզվանք ապրեցի,տեսնելով ,թե ինչպես են որոշ ,թող ներվի գրանտածիծ հայ բջեր մեծարում դրսի երկրներից ժամանած տվյալ երկրի ղեկավարի օգնականի,իգնականի սափրիչին,կամ սուրհանդակին։Միեվնույն ժամանակ առիթը բաց չեն թողնում տպավորություն թողնելու,որ անձամբ են ճանաչում Հայաստանի նախկին,ներկա ղեկավարներին եվ ,իբր,այնքան մոտ են,որ հիշում էին անուններով։

Չեմ հանդիպել մի այլ ազգի ներկայացուցչի,ով իր երկրի ղեկավարին հրապարակային հարթակում հիշի անունով,որքան էլ,որ մոտ եղած։ լինի հետը։

Իրավամբ,նման պահվածքով ի հայտ է գալիս սին եվ օտարամոլ լինելը։

Հարկավոր է իմանալ։

Որպեսզի օտարը հարգի,վստահի քեզ ու երկիրդ,ընկերություն անի ,հաճախ էլ հենվի քո վրա ,առաջինն ինքդ քո չափով պետք է լինես կրողն ու պատասխանատուն անցյալիդ,ներկայիդ ու հավատաս ու պայքարես վաղվա պայծառ ապագայիդ համար։Հարկադրաբար խլված արժանապատվությունը, ինքդ պետք է ետ բերես ։ Դա ամրագրված է Աստծո Օրենքով։

Իսկ անգամ ապիկար իշխանավորիդ ,զորավարիդ կոշիկի տակի ցեխը չպետք է փոխես օտարի հետ։

<<Լեվ Գրուպ>> փաստաբանական ընկերության հիմնադիր-ղեկավար Լեվոն Բաղդասարյան

20.01.2023թ.

«IRAVUNK. com» լրատվական կայք

Բանակային կորպուսի հրամանատարին ազատելը պետք է ունենա շատ լուրջ իրավական հիմք.Փաստաբանը 15 զինվորի կյանք խլած հրդեհի եւ դրան հաջորդող իրադարձությունների մասին

Հունվարի 19-ին, ժամը 01:30-ի սահմաններում, հրդեհ էր բռնկվել Գեղարքունիքի մարզի Ազատ գյուղի տարածքում գտնվող ՀՀ ՊՆ N զորամասի ինժեներաականազերծման վաշտի ապաստարանում։ Նախնական տվյալներով՝ հրդեհի հետեւանքով զոհվել է 15 զինծառայող։ Հարուցվել է քրեական գործ, պաշտոնից հեռացվել են բանակային երկրորդ կորպուսի հրամանատարը եւ այլ պաշտոնյաներ։

Պաշտոնական միակ վարկածը, թե հրդեհը բռնկվել է վառարանը բենզինով վառելու պատճառով հանրության մի ստվար զանգված կասկածի տակ է դնում: Վերը նշված վարկածի, պաշտոնանկություններ եւ հնարավոր զարգացումների շուրջ զրուցել ենք «Լեւ Գրուպ» փաստաբանական ընկերության հիմնադիր, փաստաբան ԼԵՎՈՆ ԲԱՂԴԱՍԱՐՅԱՆԻ հետ, ով նախ նկատեց.

-Նախ արձանագրեմ, որ նման դեպքում պաշտոնական պետք է ընդունել ոչ թե պետական լիազոր մարմնի, վարչապետի կամ այլ պաշտոնյաի հնչեցրած վարկածը, այլ բացառապես վարույթ իրականացնող մարմնի կամ Դատախազության պաշտոնական տեղեկատվությունը: Ինչ վերաբերում է առաջ քաշված վարկածին, ապա պետք է ընդգծեմ, որ որպես կանոն, նման դեպքերում, երբ վարույթ է նախաձեռնվում պետք է լինեն մեկից ավել տարբերակներ: Մասնավորապես, պետք է գնահատական տրվի, թե արդյո՞ք շենքի-շինությունը, որտեղ տեղակայված էին զինվորները համապատասխանում էին զորանոցի պայմաններին: Երկրորդ, հանրությանը միանգամից ասել, որ հրդեը արգելված միջոցի հետ ոչ ճիշտ վարվեցողության արդյունքում է կատարվել, ուրեմն պետք է տրվեր նաեւ միանգամից այն հարցի պատասխանը, որ գիշերվա 1-ին ի՞նչ վառարան վառելու մասին էր խոսքը:

Ընդ որում մամուլում հրապարակվեցին կադրեր, որտեղ երեւում է, որ քարե ամուր պատն է փլվել, իսկ միգուցե տեղի է ունեցել պայթյո՞ւն: Սրանք բոլորը վարկածներ են, որոնք պետք է ուսումնասիրվեն վարույթն իրականացնող մարմնի կողմից:

Ինչ վերաբերում է հրդեհի դեպքի առնչությամբ նախաձեռնված քրեական վարույթ՝ ՀՀ ՔՕ 532-րդ հոդվածի 4-րդ մասին (զենքի, ռազմամթերքի, ռազմական տեխնիկայի կամ ռազմական այլ գույքի, շրջապատի համար առավել վտանգ ներկայացնող նյութերի, սարքերի կամ առարկաների հետ վարվելու կանոնները խախտելը, որն անզգուշությամբ առաջացրել է երկու և ավելի անձի մահ), ապա ես կարծում եմ, որ ՔՐ. օրենսգրքում կան այլ հոդվածներ, որոնք եւս պետք քննարկվեն:

Անդրադառնալով պաշտոնանկություններին փաստաբանը նկատում է.

-Բանակային կորպուսի հրամանատարին ազատելը պետք է ունենա շատ լուրջ իրավական հիմք: Տեղի է ունեցել ողզբերգություն, զորամաս կոչվող հաստատությունում զոհվել է 15 զինծառայող, եւ դրա իրավական գնահատական պետք է լինի օբյեկտիվ եւ խորը ուսումնասիրված: Անհրաժեշտ է նաեւ բարոյական հարթակում կանգնել ծնողների եւ վիրավոր տղաների կողքին, պետական պաշտոնյանները պետք է լինեն այսօր ծնողների կողքին ինչպես ֆիննանսական, այնպես էլ բարոյական տեսանկյունից:

ԻԼՈՆԱ ԱԶԱՐՅԱՆ

18.01.2023թ.

«IRAVUNK. com» լրատվական կայք

Թափ է առնում ստորանալու աստիճան քծնելու ուրվականը. «Լեվ Գրուպ» փաստաբանական ընկերության հիմնադիր

Աշխարհում թափ է առնում ստորանալու աստիճան քծնելու ուրվականը։

Այն եղել է հին աշխարհում, միջնադարում, այսօր։ Այն ակնհայտ դրսեվորվել է տոտալիտար կամ վասալային երկրներում ու որպես հետեվանք պատճառ դարձել կայսրությունների, վասալային մարիոնետ երկրների, դրանց միապետերի ու վասալապետերի կործանման պատճառ։ Իմա' Մակեդոնացի, Կեսար, Նապոլեոն, Հիտլեր ,Ստալին, Սադամ, ապագայում էրդողան, հարեվան մելիքության մելիք եվ այլն։

Այն լայն տարածում է գտել նաեվ մեզ մոտ՝ Հայաստանում։ Բուրգային անսխալականության բարդույթը բերել է նրան, որ դրանց առերեվույթ սխալները քննադատող ոլորտի պատասխանատուներն ու նվիրյալները դուրս են մղվել իրենց ոլորտներից, որոնց փոխարինել են իրենց տիրոջը փառաբանող ու մեծարող անձինք, որոնք, անգամ առերեվույթ լինելով ոլորտի պրոֆեսիոնալներ, ունակ եվ ընդունակ չեն ունենալու ինքնուրույն ձեռագիր, պատասխանատվությունն իր վրա վերցնելու պարտավորություն եվ այլն։

Արձանագրում եմ, որ Հայաստանի նման փոքր երկրի համար այն, իրավամբ, աղերս ունի եղած պետականության կորստի հետ եվ որպես հետեվանքզ հնարավոր է դառնա բաժինը կամ համով թիքյա տարածաշրջանում խաղացողների համար։

Լուծման բանալին մեկ անձի վրա գրված սահմանադրության անհապաղ փոփոխությունն է։

«Լեվ Գրուպ» փաստաբանական ընկերության հիմնադիր, փաստաբան Լեվոն Բաղդասարյան

10.01.2023թ.

«IRAVUNK. com» լրատվական կայք

Ցույցի կազմակերպիչներից քանի տոկոսն է մասնակցել քառասունչորս օրյա պատերազմին. Փաստաբանի հարցադրումը

Արդարությունն ու ազգային շահը պահանջում է արձանագրել,որ Գյումրու ռազմաբազայի դիմաց կազմակերպած ցույցը եվ Լաչինի միջանցքի փակված ճանապարհն իրար հետ կապ ունեին այնքանով,որքանով ,ասենք ԱՄՆ ի հնդկական ցեղերի եվ Ռուսաստանի չուկչաների առերեվույթ խախտված իրավունքների նմանությունը ։

Արդարությունն ու ազգային շահը պահանջում է արձանագրել,որ երեսուն տարիների ընթացքում հայ թուրքական սահմանին մեկ կրակոց չի եղել եվ,եթե ոմանք դա պատճառաբանում են միջազգային հանրության եվ գերտերություններով պայմանավորված,ապա Արցախում 120000 բնակչի պատանդ վերցնելու,ցեղասպանելու տոտալ գործողություններն ու այդ հանրության ու գերտերությունների խոսքից գործի չանցնեը լավագույն պատախանն է այդ հարցին։

Արդարության շահը պահանջում է լրագրողական հետաքննություն անցկացնել եվ հանրությանը տեղեկացնել,թե այդ ցույցի կազմակերպիչներից քանի տոկոսն է մասնակցել քառասունչորս օրյա պատերազմին։

Իրավամբ,եթե ցանկանում եք ,որպեսզի բացվի ճանաարհը,քայլ արեք դեպի Արցախ,պահանջեք,որպեսզի ճանապարհն ազատեն,եթե իհարկե ձեր պատվիրատուների ցանկությունը,ոչ թե ճանապար բացելն է ,այլ պետության ու հայության վերջնական բնաջնջումը բնօրրանից։

Լեվոն Բաղդասարյան,փաստաբան

04.01.2023թ.

«IRAVUNK. com» լրատվական կայք

Ողջ ազգի երեսն ամոթից պիտի որ կարմրեր, բայց իրավամբ չկարմրեց

Արցախցիների մոտ մեկ ամսյա պատանդի կարգավիճակով պայմանավորված ողջ ազգի երեսն ամոթից պիտի որ կարմրեր,բայց,իրավամբ ,չկարմրեց,որովհետեվ ազգի երեսը վերացել է , չկա։ Այն ժամանակավոր ազգային երանգ է ստանում ,երբ անհատ հայորդիներ դրա մասին բարձրաձայնում ու իրենց շուրջն են համախմբում իրենց նման խելառների,իսկ հետո դառնում են ազգի դավաճաններ ,որպեսզի հարյուր տարի անց սրբադասվեն։ Օրինակնե՞ր եք ուզում, տոհմերով կասեմ, Արշակունիներ, Բագրատունիներ,Արծրունիներ․․․ Վերացել են, չկան ու վերացել են բացառապես հայերի դավերով։

Անհատնե՞ր եք ուզում,

Մխիթար սպարապետ,Անդրանի ,Դրո,Նժդեհ,Վազգեն, Նորատ տեր Գրիգորյանց ․․․

Վերացել կամ հեռացել են բացառապես հայերի դավերով ։ Իսկ այսօր,այսօր մենք, ոչ, արդար չի, դուք վայելեք ձեր բաժին խոզի բուդը ,ձեր զավակներին տարեք, գրանցեք Ռուսաստան , Եվրոպա ,Ամերիկա , անգամ՝ Թուրքիա, որ բանակ չծառայեն։

Եվրոպաներում, Ռուսաստանում, ԱՄՆ ում ապրող, յան ազգանունը կրողներ, շարունակեք պարարտացնել օտարի հողը, հարյուր հազար արցախցի մեծ ու փոքր պատանդի կարգավիճակում հայտնված անձանց ճակատագիրը ձերը չի։ Շարունակեք, թանկարժեք խմիչքներ խմել, կենացներ ասել, որ ինչ անում եք՝ երեխաների համար եք անում, որ իշխանությունն ու տեղի հայությունն է ամենի մեղավորը․․․

Իրավամբ, Արցախցիների մեկ ամսյա պատանդի կարգավիճակով պայմանավորված, աշխարհի հայության ողջ երեսն ամոթից պիտի կարմրի ու այնպես կարմրի, որ աշխարհն այս ապիկար զարհուրի։

Լեվոն Բաղդասսրյան,փաստաբան

07․12.2022թ.

«ՀՐԱՊԱՐԱԿ ՕՐԱԹԵՐԹ»

ԱՍՈՒՄ ԷԻՆ՝ ԱՆՀՐԱՊՈՒՅՐ, ԱՆՀԵՌԱՆԿԱՐ, ԱՆՇՆՈՐՀԱԿԱԼ ԳՈՐԾ Է

Խոհեր կամ հաշվետվություն

Երեկ փաստաբանների մասնագիտական օրն էր։ Դե, օր էր, անցավ, սովորական օրերի պես։ Անգամ գրասենյակում չնշեցինք կամ աշխատակազմի ղեկավարը մոռացավ կամ հավես չուներ, իմ սրտով էլ էր։ Կարծես, իշխանությունն էլ էր անտարբեր, չորորդ իշխանությունն էլ՝ վրադիր։ Իսկ եթե անկեղծ, քառասունչորսօրյա անհասկանալի բոլոլայից հետո ցանկացած տոնակատարություն այն չի, ինչ մինչ այդ էր, գոնե ինձ համար։

2000 թվականին, երբ որոշում կայացրեցի մտնել իրավապաշտպան ոլորտ, ոլորտի ընկերներս խորհուրդ չէին տալիս՝ արձանագրելով, որ անհրապույր, անհեռանկար, անշնորհակալ գործ է։ Արձանագրեմ, որ հիմնադրման օրից փաստաբանական գրասենյակս եղել է քաղաքի էլիտար թաղամասերում՝ Կասկադ, Մոսկվայի տուն, այժմ՝ Հանրապետության հրապարակի հարևանությամբ։ Հայտնի դառնալու գրավականը եղել է հետևյալը. լինել արժանապատիվ, չկախվել ոչ իշխանության, ոչ օլիգարխի, ոչ վստահորդի փեշերից։ Բոլոր այն գործերը, որոնք թվում էին անհնարին, վերցնում էի պաշտպանության, որոնք էլ տևական պայքարից հետո դառնում էին հնարավոր, իմա, բազմաթիվ Բարձր Ատյանի նախադեպային որոշումները։ Առերևույթ ինքնագովազդ թվացող խոսքերս չեմ համարում ոչ պատշաճ, քանի որ հաղթական արդյունքին հասել եմ ազնիվ պայքարի արդյունքում, որը բացառապես իմ և իմ կողմից ղեկավարվող կառույցի հեղինակային իրավունքն է: Պայքարելով իշխանավորի տոտալ ապօրինությունների դեմ, պայքարելով փողոցի խուժանի դեմ, հաճախ կանգնելով միայնակ, անտեր, բոլորից լքված, մոռացված, ունեզրկված անձանց կողքին՝ մղելով անհավասար պայքար անգամ պետական մեքենայի դեմ և վերականգնելով արդարությունը:

Իրավամբ, փաստաբանն այն հեգեմոն ուժն է, ով ունակ և ընդունակ է փոխելու իշխանավորի գիտակցությունը, դատավորի գիտակցությունը, իր վստահորդի հակառակ կողմի գիտակցությունը, իրար դեմ դուրս եկած, իրար կոկորդ կրծող եղբայրներին, քույրերին, նրանց ծնողներին բերելով հաշտության դաշտ: Վերջապես, երջանկություն, ժպիտ պարգևել տունը կորցրած-ետ բերած, աշխատանքը կորցրած- վերականգնված, ընտանիքը կորցրած-ետ բերած մարդկանց: Իսկ դուք գիտեք այն զգացողությունը, երբ չորս-հինգ տարեկան երեխան, արցունքն աչքերին, խնդրում կամ պահանջում է, որ իր հայրիկին կամ մայրիկին, պապիկին կամ տատիկին բանտից տուն բերես։ Իսկ գիտեք ի՞նչ զգացողություն է ապրում փաստաբանը, երբ անհնարին թվացող գործի բարենպաստ ելքից հետո մի ամբողջ գերդաստան օրհնում է քո յոթը պորտը։

Միայնակ վերցնել պատասխանատվության բեռը և անհնարին թվացող խնդիրը դարձնել հնարավոր, անլուծելի թվացող խնդիրը դարձնել լուծելի, իրավամբ, հրաշքներ գործել։ Իմ պատկերացրած փաստաբանի մոդելը դա է։

Շնորհավորելով հանդերձ մասնագիտական տոնս՝ փաստում եմ, որ Աստվածների երկիր Հայաստանում իրավունքը եղել է գիտություն բարու և արդարի մասին, և անհրաժեշտությունն եմ տեսնում միացյալ ուժերով այն վերականգնելու:

Հ.Գ.

Կարծես շատ խոսեցի, կարո՞ղ է թոշակիս ժամը եկել է:

Լևոն Բաղդասարյան, փաստաբան

14․11.2022թ.

«ԱՌԱՎՈՏ ՕՐԱԹԵՐԹ»

Անթույլատրելի են որոշ իրավաբանների, հասարակական, քաղաքական գործիչների հայտարարությունները՝ վառելու, մոխրացնելու հանցագործություն կատարած անձանց յոթը պորտը. Լևոն Բաղդասարյան

Օրեր առաջ Պեմզաշենում տեղի ունեցած սահմռկեցուցիչ սպանություններից հետո, թեպետ անթույլատրելի, սակայն հասկանալի է սպանվածների հարազատների, համագյուղացիների առերևույթ ցանկությունը՝ ինքնադատաստանի ենթարկել ձերբակալված անձանց կամ նրանց ընտանիքի անդամներին, ապա անթույլատրելի է որոշ իրավաբանների, հասարակական, քաղաքական գործիչների դրդիչ հայտարարությունները՝ վառելու, մոխրացնելու առերևույթ հանցագործություն կատարած անձանց յոթը պորտը։

Ձևավորեք, վերջապես, որպես առաջինը պետականորեն քրիստոնեությունն ընդունած, այսօր էլ իրավական պետություն կոչվող երկիր, որ անթույլատրելի է փողոցային արդարադատությունը, իսկ իրավաբանի, քաղաքական կամ հասարակական գործիչների բերանից հնչող նման կոչերը կարող են անդառնալի բացասական իրավական հետևանքներ թողնել։ Անհրաժեշտ է նաև արձանագրել, որ մեղքն ապացուցվելու դեպքում գործող իրավանորմով կատարողներին սպառնում է ցմահ ազատազրկում, որը, կարծում եմ, այդ մեղադրանքի լույսի ներքո ավելի ծանր պատիժ է, քան գնդակահարությունը։

ԼԵՎՈՆ ԲԱՂԴԱՍԱՐՅԱՆ, փաստաբան

13.10.2022թ.

<<ԱՌԱՎՈՏ>> ՕՐԱԹԵՐԹ

Հայաստանին ահաբեկչության մեջ մեղադրող անձանց պետք է օրենքի ողջ խստությամբ ենթարկել պատասխանատվության.

Լևոն Բաղդասարյան

Փաստաբան Լևոն Բաղդասարյանը գրում է.

«Ղրիմի կամրջին պայթեցված բեռնատարի անցումը Հայաստանով որոշ միջազգային, տեղական լրատվամիջոցներ, քաղաքական, հասարակական գործիչներ, քաղաքացիներ փորձեցին Հայաստանին ներքաշել միջազգային ահաբեկչության մեջ, Հայաստանի քաղաքացուն՝ դրա կատարման մեջ, իսկ հայաստանյան բրոքերական գրասենյակին՝ այն կազմակերպելու մեջ։ Ցավոք, համացանցում դա նայում ու լսում են միլիոնավոր օգտատերեր՝ ձևավորելով խեղաթյուրված իրականություն։ Իրավամբ, դրանց հեղինակները իրավաբանորեն կամ տգետ են, կամ էլ՝ թշնամի դոնորներից սնվողներ։ Ամեն դեպքում պետական լիազոր մարմինների պարտավորությունն է հարուցել քրեական վարույթ՝ տալու դրանց քրեաիրավական գնահատականը։

Արձանագրում եմ, որ տվյալ բեռնատարը, մուտք գործելով Հայաստան, օրենքով սահմանված կարգով, ըստ պետական լիազոր մարմնի տրամադրած ապացույցների, անցել է ռենտգեն ստուգում։ Անցակետում գործող ռենտգեն սարքավորումները համապատասխանում են միջազգային ստանդարտներին, իսկ համապատասխան քննչական փորձարարության արդյունքում կփաստվի, որ ռենտգեն սարքերը ցույց չեն տալիս գլանափաթեթների մեջ թաքցված պայթուցիչները։ Նման դեպքում Հայաստանին ահաբեկչության մեջ մեղադրող անձանց պետք է օրենքի ողջ խստությամբ ենթարկել պատասխանատվության, ընդհուպ՝ քրեական։

ՀՀ քաղաքացի վարորդի մասով.

Իրավաբանական միջին հեղինակություն ունեցող բարձրագույն դպրոցի ուսանողին, ով անցել է օպերատիվ հետախուզական գործունեություն առարկան, քննելով հայ վարորդի առերևույթ կատարած հանցագործությունը տվյալ գործով, անվերապահորեն կհանգի այն իմպերատիվ եզրահանգմանը, որ կազմակերպիչները հատուկ վարձել են երրորդ երկրի բեռնափոխադրողի, որպեսզի գլանափաթեթներն Ա կետից գումարի դիմաց տեղափոխի Բ կետ, ինչը որ կատարել է։ Իսկ որ գլանաթիթեղի մեջ թաքնված իր կա, հայ վարորդը չէր կարող իմանալ, քանի որ կազմակերպիչները լավ գիտեն, որ թաքնված իրը սահմանակետերում հայտնաբերվելու դեպքում վարորդը պատմելու ու տալու էր կազմակերպիչների կամ դրանց ներկայացուցիչների անունները։ Հայաստանի վարորդ քաղաքացին մեղավոր չէ, իսկ նրա վրա վայրահաչողներին պետք է ենթարկել պատասխանատվության, ինչպես քաղաքացիաիրավական այնպես էլ՝ քրեաիրավական։

Միջնորդ ծառայության հայաստանյան բրոքերական գրասենյակի մասով.

Առերևույթ, հնարավոր է, որ Հայաստանյան տվյալ միջնորդ ընկերությունը կատարած լինի որոշակի օրենսդրական խախտումներ, որպեսզի Եվրոպայից եկած ապրանքը գնա Ռուսաստան, այնքանով, որքանով Ռուսաստանը միջազգային սանկցիաների տակ է, բայց դա բացառապես չի կարող աղերս ունենալ տվյալ արգելված իրի և կատարված ահաբեկչության հետ, ուստի ռուսական իրավապահ մարմինների հայտարարությունը, որ Հայաստանում ինչ-ինչ կեղծիքներ են կատարել, որպեսզի ապրանքը հասնի Ռուսաստան, կարող է վերաբերել վերը նշված փաստաթղթային ձևակերպումներին, որը վերաբերել է բացառապես գրանցված ապրանքներին’ գլանաթիթեղներին։ Ո՞վ է ահաբեկչական ակտի պատվիրատուն. Ռուսաստանն ու Ուկրաինան գտնվում են պատերազմական իրավիճակում, ռմբակոծվում են ուկրաինական բնակավայրեր։ Իրավամբ, Ուկրաինան հրաժարվեց ստանձնելու տվյալ ակտի պատասխանատվությունը, մինչդեռ որպես պատերազմող, ռուսական ռմբակոծություններից տուժած երկիր, իրավաբանորեն կարող էր հիմնավորել, եթե իր կողմից էր պատվիրվել։ Մինչդեռ, պաշտոնապես հրաժարվեց։ Արձանագրենք, որ նման ֆորմատով, այն է՝ Հայաստանի քաղաքացիով, հայկական բեռնափոխադրումով, հայաստանյան միջնորդ կազմակերպությունով ահաբեկչությունը, այսինքն, մի գնդակով երկու նապաստակ խփելը, ձեռնտու է բացառապես թուրք ադրբեջանական տանդեմին»։

03.10.2022թ.

«ՀՐԱՊԱՐԱԿ ՕՐԱԹԵՐԹ»

ԽԱՂԱՂՈՒԹՅՈՒՆ ՈՒՆԵՆԱԼՈՒ ՄԻՋՈՑԸ ՈՒԺՆ Է

Իրավամբ, հայ գերիների հրապարակային գնդակահարության կադրերն Ադրբեջանի կողմից մեսիջ էր մասնավորապես արևմուտքին ու ԱՄՆ-ին՝ հասկանալու համար վերջիններիս ռեակցիան, որպեսզի հետագայում հասկանա անելիքը։ Մինչ այս պահը չկա դիրքորոշում, իսկ հայ դիվանագիտությունն ավելի ինտենսիվ պետք է բարձրաձայնի միջազգային ատյաններում։

Լևոն Բաղդասարյան, փաստաբան

19․09.2022թ.

«IRAVUNK»․com լրատվական կայք

Դատապարտում եմ Գայանե Զարգարյանի դեմ տեղի ունեցած անօրինականությունը. իսկ ակցիայի կազմակերպիչները եւս պետք է ասեն իրենց խոսքը եւ դատապարտեն.Հայտնի փաստաբանի անդրադարձը

«Չորրորդ իշխանության ներկայացուցիչների` տվյալ դեպքում ի դեմս պետականամետ լրագրող` Գայանե Զարգարյանի մասնագիտական գործունեությունը խոչընդոտելը կարգավորվում է օրենքով` ընդհուպ Քր. օրենսգրքով նախատեսված նորմ կա: Լրագրողական համայնքը պետք է այս առումով միասնական լինի, եւ համատեղ պայքարի նման անօրինականությունների դեմ, որովհետեւ նման նախադեպերը կարող են կրել խրոնիկ բնույթ, եւ հետագայում եւս լրագրողը մասնագիտական գործառույթներ իրականացնելիս ենթարկվի, այսպես ասած, հաշվեհարդարի»,-անդրադառնալով օրեր առաջ հանրահավաքի ժամանակ մեր գործընկեր, հետաքննող լրագրող Գայանե Զարգարյանի նկատմամբ տեղի ունեցած ոտնձգությանը, ասաց ՀՀ լավագույն մի շարք նախադեպային հնչեղ գործերով հայտնի փաստաբան, «Լեվ Գրուպ» փաստաբանական ընկերության հիմնադիր-ղեկավար ԼԵՎՈՆ ԲԱՂԴԱՍԱՐՅԱՆԸ, ընդգծելով.

- Միանշանակ ես գտնում եմ, որ իրավապահ համակարգը պետք է հստակ գնահատական տա լրագրող Գայանե Զարգարյանի մասնագիտական գործունեությանը կոպիտ ձեւով խոչընդոտելուն: Պետք է ընդգծեմ, որ Գայանեի նման լրագրողներն են, ովքեր կարողանում են զարգացնել ինչպես իրավունքը, այնպես էլ լրագրողական մշակույթ են ձեւավորում , թե ինչպիսին պետք է լինի իրական լրագրողը: Դատապարտում եմ Գայանեի նման լրագրողի մասնագիտական գործունեությունը կոպտագույն ձեւով խոչընդտոտելու փաստը եւ գտնում, որ հանրահավաքի կազմակերպիչը եւս պետք է ասեն իրենց խոսքը, եւ դատապարտեն նման գործառույթները:

Ամփոփելով խոսքը հայտնի փաստաբանը նկատում է.

-Գիտեք, ՀՀ-ում նման երեւույթների մենք կանատես ենք եղել 15-20 տարի առաջ, երբ խմբագրություններ էին ջարդում, այսօր այդ երեւույթը կարծես թե կրկնվում է, եւ դրա տոտալ գնահատականը պետք է տրվի լիազոր մարմինների կողմից:

ԻԼՈՆԱ ԱԶԱՐՅԱՆ

14․07.2022թ.

«ՀՐԱՊԱՐԱԿ ՕՐԱԹԵՐԹ»

ԴՐԱ ԿԱՆԽԱՐԳԵԼՈՒՄՆ ՈՒ ՊՈԶԻՏԻՎ ՊԱՐՏԱԿԱՆՈՒԹՅՈՒՆՆ ԸՆԿԱԾ Է ՔԱՂԱՔԱՅԻՆ ԻՇԽԱՆՈՒԹՅԱՆ ՎՐԱ

Երևան քաղաքում օտարերկրացիների աննախադեպ հոսքի պատճառով անհրաժեշտ է, որպեսզի քաղաքային իշխանությունը ոստիկանության հետ համագործակցելով դնի բարեվարքության հստակ խաղի կանոններ և հետևի դրա իրականացմանը, ընդ որում, դրանք հնարավորինս պետք է հասանելի լինեն օտարերկրացիների համար, ինչպես լրատվական, այնպես էլ քաղաքում տեղադրված գովազդային վահանակների միջոցով։

Իրավամբ, Հայաստանն, ի տարբերություն շատ երկրների, հյուրընկալ երկիր է, սակայն դա չպետք է լինի ի հաշիվ երկրում ապրող քաղաքացիների։ Յուրաքանչյուր օտարերկրացի պետք է ընդունի քաղաքում գործող բարեվարքության կանոնները, իսկ խախտելու դեպքում ենթարկվի ֆինանսական պատասխանատվության, որով կշահի ինչպես քաղաքային բյուջեն, այնպես էլ քաղաքամայր Երևանը չի նմանվի ծովափնյա կամ անհասկանալի մի բնակավայրի, որ ով ինչ ուզենա՝ անի, ի հաշիվ մեր քաղաքացիների։ Դրա կանխարգելումն ու պոզիտիվ պարտականությունն ընկած է քաղաքային իշխանության վրա։

Լևոն Բաղդասարյան, փաստաբան

08․06.2022թ.

«ՀՐԱՊԱՐԱԿ ՕՐԱԹԵՐԹ»

ՍԿՍԵԼ ԵՆ ԻՐԱՎԱԿԱՆ ԳՈՐԾԸՆԹԱՑ

ԼԵՎ ԳՐՈւՊ ՓԱՍՏԱԲԱՆԱԿԱՆ ԳՐԱՍԵՆՅԱԿԻ ԳԼԽԱՎՈՐ ՏՆՕՐԵՆ, ՓԱՍՏԱԲԱՆ ԼԵՎՈՆ ԲԱՂԴԱՍԱՐՅԱՆԻ ՀԱՅՏԱՐԱՐՈւԹՅՈւՆԸ

Արցախյան վերջին պատերազմից հետո հարևան մելիքության կողմից իրականացվել և իրականացվում է հայերի և հայկական պատմա-մշակութային արժեքների համակարգված ոչնչացում, այն է՝ ցեղասպանություն, վանդալիզմ՝ բխող բոլոր իրավական հետևանքներով։

Լեվ Գրուպ փաստաբանական գրասենյակի գիտագործնական կենտրոնը սկսել է իրավական գործընթաց, միջազգային ատյաններում ,այդ թվում՝ քրեական հարթակում տալու դրա իրավական գնահատականը։ Բոլոր նրանք, ովքեր հարևան մելիքության բարբարոսությունների հետ կապված ունեն փաստեր, նկարներ, տեսաերիզներ, մինչև սույն թվականի օգոստոսի մեկը կարող են ուղարկել ընկերության Էլ.հասցեին Այս էլ.փոստի հասցեն պահպանված է spam bots-երից, պետք է JavaScript-ին հնարավորություն տալ դիտելու համար

29․05.2022թ.

«ՀՐԱՊԱՐԱԿ ՕՐԱԹԵՐԹ»

ԱՅՍ ԱՄԵՆԻ ՊԱՏԱՍԽԱՆԱՏՈՒՆ ԳՈՐԾՈՂ ԻՇԽԱՆՈՒԹՅՈՒՆՆ Է

Ֆանտոմային ցավը բժշկական տերմին է, որն իրավաբանության մեջ ունի հետևյալ բացատրությունը։ Զգացողություն, երբ ոտքի կամ ձեռքի վիրահատական հեռացումից հետո հիվանդին թվում է, որ ցավեր ունի մարմնի այն հատվածում, ինչը հեռացվել է, գոյություն չունի այլևս։ Եթե գիտական հարթակներում նախկինում կարծում էին, որ դա հոգեբանական խնդիր է և պետք է հետվիրահատական շրջանում հոգեբանի աշխատանք հիվանդի հետ, այժմ գիտականորեն ապացուցված է, որ դա իրական զգացողություն է, որ հիվանդն այդ ազդանշանը ստանում է գլխուղեղից, ողնուղեղից, որը ոտք, ձեռք կորցրած մարդուն ստիպում է, այն էլ իմպերատիվ, գիտակցելու, որ Աստծո կողմից պարգևված ձեռքը, ոտքը հարկադրաբար, թեկուզ առողջապահական կանոններից ելնելով, հեռացրել են, ուստի անհրաժեշտ է այդ ուղղությամբ քայլեր կատարել։ Դա է պատճառը, որ մարդը խոր ցավ է ապրում տեսնելով դրանց չլինելու փաստը եվ ակտիվ միջոցների է դիմում, օրինակ, արհեստական ձեռք, ոտք և այլն։

Սա առողջապահության ոլորտում։

Ինչ ունենք իրական կյանքում։

Արցախյան, ըստ իս, ցեղասպան պատերազմից հետո, իրավամբ, ողջ հայությունը, մեկի մոտ շատ, մյուսի մոտ քիչ, ի հայտ է եկել նման զգացողություն, ցավ, ափսոսանք, տառապանք, անզորության զգացողություն, մեղավորներ փնտրելու և այլն, քանի որ ողջ հայությունից հարկադրաբար խլվել է Աստծո կողմից յուրաքանչյուրին տված արժանապատվությունը, ինչը բնական իրավունքի նորմ է։ Այն ետ բերելու համար տարբեր ձևաչափերով, անհատական, խմբային, կուսակցական, պետական, կա մեծ ցանկություն այն ետ բերել, ինչը յուրաքանչյուրինս է, որը նման ձևաչափով ոչ միայն հնարավոր չէ , այլ հետագայում կարող է նոր ցավերի ու կորուստների տեղիք տալ, քանի որ ազգ, պետություն, իշխանություն միակամ չեն, ու դրա պատասխանատուն գործող իշխանությունն է, որն ունի պարտավորություն դնել խաղի կանոն, միավորել ազգային գաղափարի շուրջ, այն իրագործել օրենքի դիկտատուրայի շրջանակում։

Լևոն Բաղդասարյան, փաստաբան

26․05.2022թ.

ArmLur.am լրատվական կայք

<<ԺՈՂՈՎՈՒՐԴ>> ԹԵՐԹ

Անթույլատրելի է ԶԼՄ-ներին օրենքով կախվածության մեջ դնել. փաստաբան

ԱԺ-ն երկրորդ ընթերցմամբ ընդունեց ԶԼՄ-ների մասին օրենքում փոփոխություններ անելու վերաբերյալ իրավանորմ, որի ուժով իրավունք է վերապահում պետական լիազոր մարմիններին զրկելու լրագրողին հավատարմագրումից, եթե լրագրողը գրավոր նախազգուշացվելուց հետո խախտում է աշխատանքային կանոնները: Այս մասին ArmLur.am-ին հայտնեց «Լեվ Գրուպ» փաստաբանական գրասենյակի գլխավոր տնօրեն Լևոն Բաղդասարյանը:

Սույն իրավանորմն ռիսկեր է պարունակում։ Մասնավորապես, ի՞նչ ասել է աշխատանքային կանոններ, երբ տրված չէ դրանց լրիվ սահմանումն ու սահմանը։ Տվյալ օրինագծով հնարավորություն է տրվում պետական լիազոր մարմնին դնելու իրեն ձեռնտու խաղի կանոնները, որով ուղղակի խոչընդոտ է հանդիսանալու լրագրողին իր մասնագիտական պարտականությունները լրիվությամբ կատարելու ուղղությամբ։ Լրագրողի նկատմամբ նման վարչարարությունն անթույլատրելի է, առավել ևս այն ավելորդ ծանրաբեռնելու է առանց այն էլ ծանրաբեռնված դատական համակարգը։

Արձանագրում եմ, որ ժողովրդավարական պետությանն անհարիր է սահմանափակել և դժվարացնել, կախման մեջ դնել լրագրողի բարդ և պատասխանատու գործնեությունը:

24․05․2022թ․

ArmLur.am լրատվական կայք

<<ԺՈՂՈՎՈՒՐԴ>> ԹԵՐԹ

Դատավոր Նառա Հովսեփյանի որդին հերոսի մահով անմահացավ Շուշիի պատերի տակ, խոնարհվում եմ Ձեր առաջ. փաստաբան

Փաստաբան Լևոն Բաղդասարյանը հայտարարություն է տարածել.

Ընդունված չէ, երբ իրավապաշտպանը, փաստաբանը խոսում է դատավորի մասին և գովեստի կամ մեծարանքի խոսքեր է շռայլում: Խախտում եմ այդ «օրենքը» և խոսելու եմ դատավոր Նառա Հովսեփյանի մասին: Իրավամբ, հերոսի մայր, ում որդին՝ Գևորգը, կամավորագրվելով Արցախյան երկրորդ պատերազմում, որպես վաշտի հրամանատար, հերոսի մահով անմահացավ Շուշիի պատերի տակ:

Ֆիզիկապես կորցնել միակին, չխելագարվել, չչարանալ աշխարհի, մարդկության, ինքդ քո վրա, շարունակել ապրել, արարել, արդարադատություն իրականացնել «Իրավունքը գիտություն է բարու ու արդարի մասին» սկզբունքով, հատուկ է բացառապես եզակի հզոր և հերոս մայրերին: Թույլ տվեք խոնարհվեմ Ձեր առաջ:

12․05.2022թ.

«ՀՐԱՊԱՐԱԿ ՕՐԱԹԵՐԹ»

ՀԱՅԻ ՏԱԿԱՆՔՆ ԱՊՐՈՒՄ Է ԻՆՉՊԵՍ ՏԱՆԸ, ԱՅՆՊԵՍ ԷԼ՝ ԴՐՍՈՒՄ

Անընդունելի է այն հայի տեսակը, ով իննսունականներից սկսած մինչ օրս ամենավերջին վախկոտի պես թռնում է երկրից, ապրում օտարության մեջ՝ մի փոր հացի ու կաշին փրկելու համար, գալիս է Հայաստան մի քսան օրով, Արագածի լանջին խաշ է ուտոմ, Արա լեռան վրա հետ տալիս ու Հայաստանցիներին հրապարակային դասեր տալիս։

Որպես կանոն, դրսի և ներսի այն հայի տեսակը, ով, իրավամբ, գործ է անում, արածի մասին չի բարձրաձայնում և լուռ, սիրով ու արժանապատիվ տանում է իր խաչը։

Արձանագրեմ, որ հայի տականքն ապրում է ինչպես տանը, այնպես էլ՝ դրսում։

Անհրաժեշտ է Մարդուն ճանաչել բացառապես կատարած աշխատանքով, աշխատանքի քանակով ու որակով։

Հ.Գ. Հեղինակային իրավունքն այս Մեծանուն Հայինն է, խմբագրել, արդիականացրել եմ:

Lևոն Բաղդասարյան, փաստաբան

21․03.2022թ.

«ՀՐԱՊԱՐԱԿ ՕՐԱԹԵՐԹ»

ՀԱՅԱՍՏԱՆՅԱՆ ԽՐՈՆԻԿՈՆ

Իրավամբ, պետական մակարդակով առաջին պարտությունը գրանցվեց իննսունականների սկզբին, երբ ԽՍՀՄ փլուզումից հետո իշխանության բուրգին հայտնված անձանց թողտվությամբ, հանցագործ գործնեությամբ կամ անգործությամբ սկսվեց պետական գույքի տոտալ թալան, ընտրովի արդարադատություն, զոռբաների ինստիտուտի ձևավորում:

Իրավամբ, պետական մակարդակով հաջորդ պարտությունը գրանցվեց 96-97 թվականներին, երբ համապետական ընտրությունների անվան տակ գործող իշխանությունը վերարտադրվեց, ուժային կառույցի ղեկավարը հայտարարեց, որ չեն պատրաստվում իշխանությունը փոխանցել, իսկ մյուս ուժային կառույցի ղեկավարը հայտարարեց, որ նախագահի նստավայրի վրա գնացող ցուցարարները հարյուրներով պետք է գնդակահարվեն։

Իրավամբ, հերթական պետական մակարդակով պարտությունը գրանցվեց հոկտեմբերի քսանյոթին, երբ գլխատվեց ժողովրդի քվեով ձևավորված քաղաքական ուժ:

Իրավամբ, հաջորդ պետական մակարդակով պարտությունը մարտի մեկի ցնցումներն էին, երբ իշխանության բուրգի գլխին նստած և ցնցումներ հրահրող անձինք, թող ներվի, արժանի էին միմյանց։

Իրավամբ, հաջորդ պետական մակարդակով պարտությունը տեղի ունեցավ 2018 թվականին, երբ համազգային զարթոնքի ազդեցությամբ ձևավորված իշխանությոնը զարկ տվեց սև-սպիտակ քաղաքականությանը, ընտրովի արդարադատությանն ու ատելության քարոզին։ Երբ մեկ անձի վրա կարված սահմանադրությունը հարմարացրեց իր հագին՝ բխող բոլոր կործանարար հետևանքներով։

ԵԼՔԸ

Բացառապես իրավական գործիքակազմով դնել խաղի կանոններ, մինչ այդ փոխելով Սահմանադրությունը, հայտարարելով օրենքի դիկտատուրա, իրավունքի գերակայություն։

Պետությունն ունի պոզիտիվ պարտավորություն իրացնելու իր իրավունքը, ետ բերելու իննսունականներից առ այսօր պետական թալանը, բայց ոչ այն գործիքակազմով, ինչն արվում է այսօր, որն անթույլատրելի է։

Պարտությունների այս շարանի առանցքային պատճառը նեղ անձնային կամ կուսակցական շահերն են, որը բարձր է դասվում պետական շահից, ինչն անթույլատրելի է և կործանարար:

Լևոն Բաղդասարյան, փաստաբան

03.03.2022թ․

NewsMedia.am լրատվական կայք

Հայաստանի գործող սահմանադրությունն այնպես կարեցին մի անձի հագով,որ նախագահի ինստիտուտն ածանցվեց ու դարձավ տասներորդական կարգի ինստիտուտ,բխող բոլոր բացասական հետեւանքներով

Հայաստանի գործող սահմանադրությունն այնպես կարեցին մի անձի հագով,որ նախագահի ինստիտուտն ածանցվեց ու դարձավ տասներորդսկան կարգի ինստիտուտ, բխող բոլոր բացասական հետեվանքներով։Դա է պատճառը,որ այսօր Հայաստանում տեղի ունեցող նախագահի ընտրություններն անցան անաղմուկ։
Արձանագրենք, որ այսօր Հայաստանն ընտրեց հանրապետության նախագահ։

Լավագույն մաղթանքներն, Աստծո օրհնությամբ Հայաստաին։

Լեվոն Բաղդասարյան

02.03.2022թ.

NewsMedia.am լրատվական կայք

Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր դասող անձանց դերն ու նշանակությունը՝ հանրային օրակարգում

Տարածված կարծիք կա, որ փաստաբանի պրոֆեսիոնալ ու պատասխանատու աշխատանքը պետության իրավական անվտանգության երաշխիքներից է բոլոր ժամանակներում։ Հենց այդպիսի փաստաբան է մեր ժամանակներում իր մասնագիտական գործունեությունը ծավալող մի շարք աղմկահարույց գործերով հայտնի փաստաբան, "Լեւ Գրուպ" փաստաբանական ընկերության հիմնադիր-ղեկավար Լեւոն Բաղդասարյանը: Ով այս դժվարին անցումային փուլում իր մասնագիտության կարեւորությունն ավելի է ընդգծում, ավելին՝ առանձնահատուկ դերակատարում է ստանձում ժողովրդավարական ինստիտուտների կայացման գործընթացում։ Փաստաբան, ով պաշտպանում է մարդկանց եւ օգնում նրանց նրանց ամենադժվարին օրերին: Եվ այդ ճանապարհին գերպրոֆեսիոնալ ջանք ու եռանդ չի խնայում արդարության հասնելու համար: Եւ այսօր իրապես մեծ է փաստաբան Լեւոն Բաղդասարյանի նման հանուն իրավունքի եւ արդարության շահը ճանաչող ու ամեն ինչից վեր դասող անձանց դերն ու նշանակությունը՝հանրային օրակարգում:

24.02.2022թ.

NewsMedia.am լրատվական կայք

ԱՄՆ ն ու Արեվմուտքը կույր ու խուլ էին, երբ թուրք ազերիները պակիստանյան ահաբեկիչների հետ ցեղասանում էին արցախցուն

Ռուսաստանի առերեվույթ ագրեսիան ուկրաինայի նկատմամբ դատապարտող ԱՄՆ-ն ու Արեվմուտքը կույր ու խուլ էին, երբ թուրք ազերի բաշիբոզուկները պակիստանյան ահաբեկիչների հետ ցեղասանում էին արցախցուն, որի արդյունքում խլեցին ամբողջ ազգի արժանապատվությունն : Մի ազգի, որն, իրավամբ, աշխարհի քաղաքակրթության, գիտության ու տեխնիկայի կրողն է, ով ցավոք, այդպես էլ չի գիտակցում, որ ուրիշի ծառը ջրելուց առաջ իր ծառը պիտի ջրի։

Ուժն է ծնում իրավունք, իսկ երեսպաշտ դեմոկրատիա խաղացող դուրսպրծուկները պետք է իմանան բումերանգի օրենքի ճշգրիտ լինելու գիտության մասին։

Հ. Գ. Երդվում եմ պատվովս, որ հոդվածը պատվերով չէ, ինքս էլ ոչ ռուսոֆիլ եմ, ոչ էլ` արեվմտամետ։ Իսկ Հայաստանի կառավարությունը պարտավոր է ունենալու հստակ դիրքորոշում։ Կիսահղի ապրելու քաղաքականությունը հարիր չէ։

Լեվոն Բաղդասարյան

15.02.2022թ.

ԻՐԱՎՈՒՆՔ ԹԵՐԹ

Դատավորների նկատմամբ հարուցված կարգապահական վարույթների լսումներն անհրաժեշտ է իրականացնել դռնփակ

ԲԴխ ի կողմից դատավորների նկատմամբ հարուցված կարգապահական վարույթների լսումներն անհրաժեշտ է իրայանացնել դռնփակ ռեժիմով,հաշվի առնելով , որ առերեվույթ խախտում կատարած դատավորն իր վարույթում ունի հազարավոր գործեր եվ բդխ ի լսումներից հետո տվյալ գործերով հանդս է գալիս որպես դատարան եվ իրականացնում է արդարադատություն, իսկ հրապարակային խարազանվող դատավորի իրականացվող արդարադատությունը կասկածի տակ է դնում վերջինիս մասնագիտական ունակություններն ու անաչառությունը եվ չի բխում արդարադատության շահից։

Lեվոն Բաղդասարյան

01.02.2022թ.

ԻՐԱՎՈՒՆՔ ԹԵՐԹ

Հայտնի փաստաբանը նախագահի հրաժարականի եւ դրա իրավական հետեւանքների մասին. Բացառիկ վերլուծություն

ՀՀ նախագահի հրաժարականի, այդ համատեքստում հրապարակված պատճառների եւ մամուլում շրջանառվող լուրերի մասին առ այն, թե ի՞նչ իրավական գնահատականի կարող է հանգեցնել նախագահի, ըստ նույն լուրերի, այլ երկրի քաղաքացի լինելու մասին տեղեկատվությունը փորձել ենք հետաքրքրվել «Լեւ Գրուպ» փաստաբանական ընկերության հիմնադիր ղեկավար, մի շարք աղմկահարույց գործերով հայտնի փաստաբան ԼԵՒՈՆ ԲԱՂԴԱՍԱՐՅԱՆԻՑ, ով փաստեց.

-Նախ, նախագահի հրաժարականի հետ կապված շատ տարօրինակ եմ համարում դրսում հրաժարական տալու փաստը: Որովհետեւ դրսում, սովորաբար, հրաժարական են տալիս այն նախագահներ, երբ իրենց երկրում տեղի է ունենում հեղափոխություն կամ իշխանափոխություն: Տվյալ դեպքում տարօրինակ եմ համարում նման ֆորմատով հրաժարականի փաստը:

Ինչը վերաբերում հրաժարականի տեքստում նշված այն պատճառաբանությունը, որ հնարավորությունները քիչ են եղել ՀՀ սահմանադրությամբ, ցանկանում եմ արձանագրել, որ այո, Սահմանադրությունը գրված է եղել մի անձի վրա: Բայց միեւնույն ժամանակ լավագույն ցանկության դեպքում նախագահը կարող էր իրականացնել իր գործառույթները, մասնավորապես այն ֆորմատով, որ նա համարվում է պետության գլուխը եւ ունի պարտավորություն հետեւելու սահմանադրությանը:

Փաստաբանը փաստում է նաեւ.

-Ինչ վերաբերում մամուլում տեղ գտած տեղեկատվությանը եւ եթե ապացուցվում է, որ նա այլ երկրի քաղաքացի է եւ, որ նրա բոլոր ստորագրած իրավական ակտերը համարվում են ուժը կորցրած, ըստ իս, դա տարբերակ է, որը իրավունք ունի քննարկման ենթարկվելու: Սակայն, ես համաձայն չեմ դրա հետ, որովհետեւ նման իրավական գնահատական տալիս պետք է նաեւ ոչ միայն տվյալ առերեւույթ անձանց խախտված իրավունքը, այլ պետք է համալիր փորձաքննություն անել բոլոր իրավանորմերի հետ` արդյունքում ճիշտ գնահատական տալու համար:

ԻԼՈՆԱ ԱԶԱՐՅԱՆ

31.01.2022թ.

«ՀՐԱՊԱՐԱԿ ՕՐԱԹԵՐԹ»

ՍՏԱՑՎՈՒՄ Է՝ ՕՐԵՆՍԴԻՐ ՄԱՐՄԻՆԸ ԳՏՆՈՒՄ Է, ՈՐ ԾԽԵԼՆ ԱՎԵԼԻ ՎՏԱՆԳԱՎՈՐ Է, ՔԱՆ՝ ՈՒՌԵԼԸ

Մի քանի ամսից գործելու է փակ տարածքներում, հանրային վայրերում ծխելու արգելքը, որը զանցողների համար նախատեսվում է վարչական տույժ բազային մինիմալ աշխատավարձի երկու հարյուր հիսունապատիկը, այսինքն՝ 250000 ՀՀ դրամ։ Ընդ որում, այսպես ասած պլանքյաշները, ենթարկվում են վարչական պատասխանատվության բազային մինիմալ աշխատավարձի երկու հարյուրաատիկի չափով, այսինքն՝ 200000 ՀՀ դրամ։ Ստացվում է, որ օրենսդիր մարմինը գտնում է, որ ծխելն ավելի վտանգավոր է, քան՝ ուռելը։

Ինչ վերաբերում է ծխելու արգելքի վերաբերյալ ընդունված իրավանորմին, նման ընդունված օրենքը, կարծում եմ, պատուհաս է դառնալու գործադիրի համար, իսկ վարչական ակտերն, իրավամբ, հանգրվանելու են դատական ատյաններում՝ բխող բոլոր իրավական հետևանքներով։

Լևոն Բաղդասարյան

25.01.2022թ.

«ՀՐԱՊԱՐԱԿ ՕՐԱԹԵՐԹ»

ԹՈՒՐՔԵՐԻՆ ՎՍՏԱՀՈՂ ՀԱՅ ՄԵԾԱՀԱՐՈՒՍՏՆԵՐՆ ՈՒ ՊԱՏԳԱՄԱՎՈՐՆԵՐՆ ԱՆԳԱՄ ԳԵՐԵԶՄԱՆՆԵՐ ՉՈՒՆԵՑԱՆ

Ժամանակին թուրքերին վստահող հայ մեծահարուստներն ու պատգամավորներն անգամ գերեզմաններ չունեցան։ Զոհրապը, ով երիտթուրքերի մասին վատ խոսող կամ քննադատող հայերին անվանում էր չարակամներ, թուրքերը քարով գլուխը ջարդեցին, մարմինն էլ թողեցին անգղերին փայ։ Վարուժանը, ով հայերին հորդորում էր իրենց քվեն տալ երիտթուրքերին, մաշկազերծ արեցին ի տես հայ կանանց, երեխաների։ Բոլոր գործարարները, այսօրվա մեծահարուստները, պատգամավորները, ովքեր սին հույսեր ունեն թուրքերի հետ քիրվայություն անելու, թող իմանան պատմության դասերը չսովորելու կործանարար հետևանքների մասին։

Կողմ լինելով ցանկացած ազգի ու ազգությունների, այդ թվում հարևանների հետ բաց ու շիտակ շփման, պարտադիր պայման եմ դիտում այն իրականացնել խլված արժանապատվությունը ետ բերելու պայմանով։

Լևոն Բաղդասարյան

21.01.2022թ.

<<ԱՌԱՎՈՏ>> ՕՐԱԹԵՐԹ

Վերացական դատողություններով կալանքի տակ վերցնելու սովորությունը պետք է արմատախիլ անել, իսկ կալանքի հիմքերի առկայության դեպքում կիրառել գրավի ինստիտուտը. Լևոն Բաղդասարյան

Անձանց վերացական դատողություններով կալանքի տակ վերցնելու արատավոր անցյալից եկած սովորությունը պետք է իրավամբ արմատախիլ անել, իսկ կալանքի հիմքերի առկայության դեպքում կիրառել գրավի ինստիտուտը։ Չեմ ցանկանում անտարբեր մնալ ՀՀ նախկին պաշտպանության նախարար Դավիթ Տոնոյանի կալանքին։ Նախաքննությունն ավարտվել է, եթե կապացուցվի վերջինիս առերևույթ մեղսագրված, իրավամբ զազրելի արարքը, թող ենթարկվի խստագույն պատասխանատվության, սակայն մինչ այդ անձին տևական ժամանակ անազատության մեջ պահելը, այն էլ ԱԱԾ-ի նկուղում, կարող է դիտվել խոշտանգում։ Արձանագրում եմ, անձամբ ականատեսն եմ եղել Դավիթ Տոնոյանի նախարար աշխատած ժամանակաշրջանում, ի տարբերություն որոշ անատամ գեներալների, վերջինիս կողմից ինքնուրույն որոշումներ կայացնելու, երբեմն քաղաքական իշխանության կարծիքին հակառակ կարծիք հայտնելու նրա կամահայտնությանը, ի շահ պետության։

Լևոն Բաղդասարյան

ՓԱՍՏԱԲԱՆԱԿԱՆ ԳՐԱՍԵՆՅԱԿ ԼԵՎ ԳՐՈւՊ

05.01.2022թ.

«ՀՐԱՊԱՐԱԿ ՕՐԱԹԵՐԹ»

ՆՄԱՆ ՓՈՓՈԽՈՒԹՅՈՒՆՆԵՐԸ, ՆՄԱՆ ՁԵՒԱՉԱՓՈՎ ՈՐԱԿ ՉԵՆ ԱՊԱՀՈՎԵԼՈՒ ԱՐԴԱՐԱԴԱՏՈՒԹՅՈՒՆ ԻՐԱԿԱՆԱՑՆԵԼԻՍ

Եթե օրենսդիրը ցանկանում է քրեական գործերով սահմանափակել պաշտպանական կողմի իրավունքները, ունի պարտավորություն նույն կերպ սահմանափակելու մեղադրանքի կողմի իրավունքները։

Դատավորին տալով նման իրավասություն՝ անհրաժեշտ է իմանալ, որ Հայաստանը գտնվում է ռոմանո- գերմանական իրավական համակարգում, ուստի լոկալ առումով անգլո-սաքսոնական իրավական համակարգի լիազորությունները նման լղոզված ձևով դատավորներին փոխանցելով՝ կասկածի տակ է դրվելու դատական ակտի իրավաչափությունն ու դատավորի անաչառությունը։

Իրավամբ, նման ֆորմատի փոփոխությունները կատարելիս գլխավոր պլան պետք է մղել դատական հարթակում գործող իրավագետների կարծիքը, ընդ որում, առավելությունը տալով ոչ պետական ոլորտի մասնագետներին։

Արձանագրում եմ, որ ինչքան մրցակցային հավասարությունը ճշգրիտ պահվի պաշտպանական և մեղադրանքի կողմերի միջև, ընդ որում, առերևույթ նժարը թեքելով դեպի պաշտպանությունը, այնքան դատավարական կողմերը կապահովեն բարձր որակ, ինչը և պահանջում է արդարադատության շահը, պետության շահը։

Նման փոփոխությունները նման ձևաչափով որակ չեն ապահովելու արդարադատություն իրականացնելիս։

Լևոն Բաղդասարյան

29.12.2021թ.

<<ԱՌԱՎՈՏ>>ՕՐԱԹԵՐԹ

Գերիները օրեր, ժամեր, անգամ վարկյաններ են հաշվել՝ հայրենիք վերադառնալու համար, իսկ վերադառնալուց հետո դավաճանի խարանով նետվել են զնդանները. Լևոն Բաղդասարյան

Այն, որ վերադարձած գերիները հարևան մելիքությունում տոտալ ձևով խոշտանգվել են ինչպես ֆիզիկապես, այնպես էլ՝ հոգեպես, ոչ մեկի մոտ կասկած չի հարուցում: Այն, որ հայրենիք վերադառնալով ունեցել են հոգեպես և ֆիզիկապես վերականգնվելու խնդիր, դա ևս հանրահայտ փաստ է: Հիմա, երբ որպես ծայրահեղ միջոց խափանման միջոց է ընտրվում կալանավորումը, այն ևս դիտում եմ խոշտանգում՝ բխող բոլոր իրավական հետևանքներով: Ծանոթ չլինելով կալանքի հիմքերին՝ կալանավորման իրավաչափության վերաբերյալ չունեմ դիրքորոշում, սակայն այն գրավով փոխարինելու պարտավորությունը, իրավամբ, կարող էր և պետք է կիրառեր ինչպես վարույթ իրականացնող մարմինը, այնպես էլ՝ դատարանը: Դա է պահանջում պետության շահը, դա է պահանջում արդարադատության շահը: Մեղքն ապացուցվելու դեպքում, ընդ որում, անհրաժեշտ է համալիր, բազմակողմանի քննություն իրականացնել՝ պարզելու համար բոլոր հանգամանքները, թող դատապարտվեն ազատազրկման, սակայն նման ֆորմատով կալանքը ոչ այլ ինչ է, քան պատիժ: Գերիները օրեր, ժամեր, անգամ վարկյաններ են հաշվել՝ հայրենիք վերադառնալու համար, իսկ վերադառնալուց հետո դավաճանի խարանով նետվել են զնդանները: Դա անթույլատրելի է: Եթե սա քաղաքական որոշման արդյունք է, անհրաժեշտ է, որպեսզի անհապաղ վերանայվի, եթե՝ ոչ, վարույթ և հսկողություն իրականացնող մարմինները գլոբալ առումով պետք է վերանայեն իրենց նախկին որոշումները:

ԼԵՎՈՆ ԲԱՂԴԱՍԱՐՅԱՆ

ՓԱՍՏԱԲԱՆԱԿԱՆ ԳՐԱՍԵՆՅԱԿ ԼԵՎ ԳՐՈւՊ

23.12.2021թ.

<<ՀՐԱՊԱՐԱԿ ՕՐԱԹԵՐԹ>>

ԱՐՁԱՆԱԳՐՈՒՄ ԵՄ ՈՐՊԵՍ ԻՐԱՎԱՊԱՇՏՊԱՆ

Արձանագրում եմ որպես իրավապաշտպան.

Երբ անձը պաշտոնյա է և իր լիազորություններն իրացնելիս իր կամ իր ենթակաների կողմից թույլ է տալիս քաղաքացիների իրավունքների կոպտագույն խախտումներ, կամ բացառապես մեխանիկական աշխատանք կատարելով ստորադասում է իրավունքի գերակայությունը, թվում է, թե նորմալ է, նա անփոխարինելի է, չի լսում, չի տեսնում ինչպես իրավապաշտպանների բարձրաձայնած խնդիրները, այնպես էլ չորրորդ իշխանության արձագանքը։ Երբ օբյեկտիվ կամ սուբյեկտիվ պատճառներով հեռացվում է աշխատանքից, իր մաշկի վրա է զգում իր նկատմամբ իրականացված առերևույթ անարդար վերաբերմունքը, սկսում է արտահայտվել, անգամ ցեխ շպրտել իր թիմի կամ յուրայինների վրա։

Հարկավոր է իմանալ.

Ինչ ցանես, այն էլ կհնձես։ Մաթեմատիկական ճշգրտությամբ գործում է բումերանգի օրենքը։

Լևոն Բաղդասարյան

18.11.2021թ.

<<ՀՐԱՊԱՐԱԿ>> ՕՐԱԹԵՐԹ

ԱՅՍՔԱՆԻՑ ՀԵՏԵՒՈՒԹՅՈՒՆԸ ՄԵԿՆ Է

Վախենում եք մեր ուժից, որովհետև ձեզ վարժեցրել եք օտարի ուժի։ Լավ հպատակ ու բարեխիղճ կատարող եք։ Թշնամի եք յուրայինների մեջ փնտրում և ուրախանում եք, որ կա մեղավոր, որին պետք է խաչել։ Հավատում եք, թե թշնամին մեզնից ուժեղ է, այդպես էլ չգիտակցելով, որ թշնամուն ուժեղացնողը ձեր վախն է, մեր ցավն է, որի հետ պետք է ապրել կարողանալ, ձեր տգիտությունն է, որ այդպես էլ չեք հասկանում, որ անհնարին ոչինչ չկա, հնարավոր դարձնելն ընդամենը պետք է վաստակել, որտեղ պարտադիր պայման է դիտվում միասնական լինելն ու ազնիվ խաղալ։

Այսքանից ետ հետևությունը մեկն է, թշվառ ու անբախտ, բարոյական հաղթանակների մեռած։

Աստծո կամոք ես իրավապաշտպան եմ, հեռու քաղաքական գործիչ լինելուց, դա իմը չի։ Միևնույն ժամանակ իրավական գործիքակազմը թույլ է տալիս օրենքով սահմանված կարգով և չարգելված եղանակով վերոգրյալ կարծրատիպերը փոխել, եթե ոչ՝ ՀՀ քրեական օրենսգրքի փունջը նվիրաբերվելու է ձեզ։ Մի ամբողջ ազգի արժանապատվության հետ խաղալն անթույլատրելի է ։

Հ.Գ. Չքաղաքականացնել, վերաբերում է իշխանական, ոչ իշխանական այն ուժերին, ովքեր կրողն ու պատճառն են այսօրվա իրավիճակի։

Լևոն Բաղդասարյան, փաստաբան

15.11.2021թ.

<<ԱՌԱՎՈՏ>> ՕՐԱԹԵՐԹ

Պետական իրավասու մարմինները միջազգային հարթակներում անհապաղ պետք է իրավական գործառույթներ ձեռնարկեն սկսված անկանխատեսելի հումանիտար աղետի կապակցությամբ. Լևոն Բաղդասարյան

Հայաստանի «անկլավ» կոչվող բնակավայրերում ադրբեջանական մաքսակետեր տեղադրելու արդյունքում, իրավամբ, մեկուսացվում են շրջակա հայկական բնակավայրերը, սահմանափակվում են մարդկանց ազատ տեղաշարժվելու իրավունքը՝ չհաշված անվտանգությունը։ Պետական իրավասու մարմինները միջազգային հարթակներում անհապաղ պետք է իրավական գործառույթներ ձեռնարկեն սկսված անկանխատեսելի հումանիտար աղետի կապակցությամբ, իսկ ՀՀ հիմնական օրենքի ուժով պարտավոր են հարուցել քրեական գործեր։ Նման անօրինական ուղեկալների տեղադրումը բացահայտ սպառնալիքով, դիվանագիտական հարաբերությունների բացակայության պայմաններում միջազգային իրավունքի կոպտագույն խախտում է, ընդ որում, ազատ տեղաշարժման սահմանափակման, կյանքի իրավունքի տոտալ խախտման, հումանիտար աղետի պայմաններում։ Իրավական ներպետական և միջազգային հարթակներում անպատժելիության մթնոլորտն արյան հոտ առած գազանին դարձնում է հանդուգն, իսկ թերհավատությունն ու հավատքի պակասը նրա ընտրած զոհին դարձնում է վախկոտ։

Լևոն ԲԱՂԴԱՍԱՐՅԱՆ

Լեվ Գրուպ փաստաբանական գրասենյակի գլխավոր տնօրեն

27.09.2021թ.

<<ԱՌԱՎՈՏ>> ՕՐԱԹԵՐԹ

Հերթական ՄԻԵԴ-ի վճիռը, որով Հայաստանի Հանրապետությունը հարկատուների հաշվին իմ վստահորդին պետք է վճարի 100.000 եվրո փոխհատուցում. Լևոն Բաղդասարյան

Իրավապաշտպանները ժամանակին բազմիցս են բարձրաձայնել պետության կողմից գերակա շահ համարված տարածքների տոտալ չարաշահումների մասին՝ պետական լիազոր մարմինների, կառուցապատողների կողմից, ինչպես նաև դատարանների վայ արդարադատության հետևանքով ունեզրկվել են քաղաքացիներ և իրավաբանական անձինք:

☝ Իրավապաշտպանները բազմիցս են բարձրաձայնել, որ դրա իրավական հետևանքների կրողը ապագայում լինելու է Հայաստանի Հանրապետությունը:

➡ Հերթական ՄԻԵԴ-ի վճիռը, որով Հայաստանի Հանրապետությունը հարկատուների հաշվին իմ վստահորդին երեք ամսվա ընթացքում պետք է վճարի 100.000 Եվրո փոխհատուցում:

Փաստաբան Լևոն ԲԱՂԴԱՍԱՐՅԱՆ

16.09.2021թ.
«ԱՌԱՎՈՏ ՕՐԱԹԵՐԹ»

Լևոն Բաղդասարյան. Որպես իրավապաշտպան արձանագրում եմ՝ նժարը թեքվում է դեպի մարդ, բժիշկ Արմեն Չարչյանը

Չեմ անդրադառնում Արմեն Չարչյանի քաղաքական, նախընտրական, պատգամավորական գործունեությանը։ Անդրադառնում եմ բժիշկ-հրաշագործ, մարդ Արմեն Չարչյանի անցած ճանապարհին։ Եթե նժարի վրա դրվում է Արմեն Չարչյանի ընտրությունների նախընտրական փուլում կատարածն ու պետական լիազոր մարմինների՝ դրան տված քրեա-իրավական գնահատականը, որը դեռ ճանապարհ ունի անցնելու եռաստիճան դատական համակարգում, իսկ մյուս նժարին դրվում է Արմեն Չարչյանի ողջ գիտակցական կյանքում ապրածն ու արածը, որպես իրավապաշտպան արձանագրում եմ՝ նժարը թեքվում է դեպի մարդ, բժիշկ Արմեն Չարչյանը, պրոֆեսորը կալանքի «մատերիալ» չէ։ Իշխանություն, արա քայլդ, որը կոչվում է մարդասիրություն։

Փաստաբան ԼԵՎՈՆ ԲԱՂԴԱՍԱՐՅԱՆ
ԼԵՎ ԳՐՈւՊ ՓԱՍՏԱԲԱՆԱԿԱՆ ԳՐԱՍԵՆՅԱԿԻ ԳԼԽԱՎՈՐ ՏՆՕՐԵՆ

15.09. 2021թ.

«ԱՌԱՎՈՏ ՕՐԱԹԵՐԹ»

Քանի դեռ դիվանագիտական հարաբերություններ չկան, խոսք լինել չի կարող սահմանազատման մասին, քանի դեռ սահմանազատում չկա, ցանկացած տարածքի առաջխաղացում անթույլատրելի է. Լևոն Բաղդասարյան

Իրավամբ, քանի դեռ դիվանագիտական հարաբերություններ չկան, խոսք լինել չի կարող սահմանազատման մասին, քանի դեռ սահմանազատում չկա, ցանկացած տարածքի առաջխաղացում անթույլատրելի է, հանցագործություն է։ Պետությունն այստեղ ունի պոզիտիվ պարտավորություն՝ ապահովելու իր քաղաքացու, նաև քաղաքացու գույքի անվտանգությունը, ինչպես նաև ապահովելու հասարակական կարգը, ազատ տեղաշարժվելու իրավունքը։ Ի՞նչ է անհրաժեշտ անել պետական լիազոր մարմիններին. հարուցել քրեական գործ Հայաստանի մայրուղիներում, բնակավայրերում հանցագործություն իրականացնող բոլոր անձանց նկատմամբ, որոնք ոստիկանների, մաքսավորների անվան տակ հանցագործություններ են կատարում, անկախ ազգությունից անհապաղ իրականացնել օպերատիվ միջոցառումներ, ձերբակալել, մեղադրանք առաջադրել, ենթարկել պատասխանատվության։ Պետական մարմինների կողմից իրենց վրա դրված պարտավորությունները չկատարելու դեպքում հետագա ողջ պատասխանատվությունն ընկնելու է ոչ թե հանցագործների, այլ իրավասու պաշտոնյաների վրա, որոնք իրենց հանցագործ անգործությամբ կլեգալացնեն այս հանցագործների պիղծ գործողությունները։

ԼԵՎՈՆ ԲԱՂԴԱՍԱՐՅԱՆ

ՓԱՍՏԱԲԱՆԱԿԱՆ ԳՐԱՍԵՆՅԱԿ ԼԵՎ ԳՐՈւՊ

06.09.2021թ.

«ԱՌԱՎՈՏ ՕՐԱԹԵՐԹ»

Վերացական դատողություններով՝ իբր, առկա են կալանքի հիմքեր, անձինք հանիրավի հայտնվում են կալանավայրերում.

Լևոն Բաղդասարյան

«Լեվ Գրուպ» փաստաբանական գրասենյակի գլխավոր տնօրեն Լևոն Բաղդասարյանի հայտարարությունը

Վերացական դատողություններով՝ իբր, առկա են կալանքի հիմքեր, հանիրավի, անձինք հայտնվում են կալանավայրերում։ Լոկալ առումով լուծելով ինչ-ինչ խնդիրներ, գլոբալ առումով՝ արդարադատությունը գրանցում է նահանջ։ Այս ամենն իշխանության կողմից տարվող ոչ ճիշտ քաղաքականության արդյունքն է։ Անձի կյանքի իրավունքի դեմ անօրինական խաղացողը, լինի՝ դատավոր, թե՝ պաշտոնյա, հանցագործ է և այլևս կապ չունի, թե անձին հանիրավի պահում են կալանքի տակ ինքնախոստովանական ցուցմունք կորզելո՞ւ, թե հաշվեհարդար տեսնելու համար։

Լևոն Բաղդասարյան

«ՓԱՍՏԱԲԱՆԱԿԱՆ ԳՐԱՍԵՆՅԱԿ ԼԵՎ ԳՐՈւՊ» ՍՊԸ

25.08.2021թ.

<<ՀՐԱՊԱՐԱԿ ՕՐԱԹԵՐԹ>>

ՎԵՐՋ ՏԱԼ ԶԻՆՎՈՐԱԿԱՆՆԵՐԻ ԱՆՀԱՐԿԻ ՄԻՋԱՄՏՈՒԹՅՈՒՆԸ` ԱԺ ԴԱՀԼԻՃՈՒՄ ՏԵՂԻ ՈՒՆԵՑՈՂ ԳՈՐԾԱՌՈՒՅԹՆԵՐԻՆ

ԼԵՎ ԳՐՈԻՊ ՓԱՍՏԱԲԱՆԱԿԱՆ ԳՐԱՍԵՆՅԱԿԻ ԳԼԽԱՎՈՐ ՏՆՕՐԵՆ, ՓԱՍՏԱԲԱՆ ԼԵՎՈՆ ԲԱՂԴԱՍԱՐՅԱՆԻ ՀԱՅՏԱՐԱՐՈՒԹՅՈՒՆԸ

Հայաստանի գլխավոր իրավական, քաղաքական ամբիոնում` Ազգային ժողովում, տեղի ունեցող խոսքի ազատության սահմանափակումը, առերևույթ բռնությունների իրականացումն անթույլատրելի է: Նման պայմաններում, անկախ նրանից, ԱԺ-ի փոքրամասնությունն է այն սադրում, թե` մեծամասնությունը, դրա իրավական, քաղաքական պատասխանատուն ԱԺ-ում մեծամասնություն հանդիսացող իշխանությունն է: ԱԺ-ում է ձևավորվում մշակույթ` ինչպես իրավական, այնպես էլ քաղաքական, որի ուժով անհրաժեշտ է անհապաղ տալ դրա իրավական, քաղաքական գնահատականը, մեղավորներին ենթարկել պատասխանատվության, վերջ տալ զինվորականների անհարկի միջամտությունը` ԱԺ դահլիճում տեղի ունեցող գործառույթներին:

Լևոն Բաղդասարյան

20.08.2021թ.

<<ԱՌԱՎՈՏ ՕՐԱԹԵՐԹ>>

«Առաջնային մանդատ» նշանակում է առաջնային ծառայություն

երկրին, պետությանը, այն իր մեջ պարունակում է պատասխանատվություն, այդ թվում՝ քրեական օրենսգրքով նախատեսված. Լևոն Բաղդասարյան

Ազգային ժողովի իշխանական մեծամասնությունը ոչ թե պետք է ցույց տա իր առավելությունն ու ԱԺ-ի փոքրամասնությանն առերևույթ ստորացնելու, ոչնչացնելու կարողությունը, այլ, իրավամբ, ստեղծի օրենքներ` բարելավելու համար իրեն առաջնային մանդատ տված քաղաքացու վիճակը, օրինակ ծառայի բարեվարքության կանոնները պահելուն։ Ազգային ժողովի օպոզիցիոն բլոկը ոչ թե պետք է լինի իշխանության ցանկացած գործառույթ մերժելու, հանրությանը սիրաշահելու գործիք, այլ սատարելու իշխանության ազգանպաստ ցանկացած գործառույթ, պարտադրելու իշխանությանն աշխատելու, գործ անելու։ Պարտադրելու իշխանությանն իրենց կողմից իսկ ժամանակին մեկ մարդու համար կարված սահմանադրությունը, որն այս իշխանության քիմքին ևս դուր եկավ, անհապաղ փոխելու, ինչը դարձավ մեր դժբախտությունների և պարտությունների պատճառ: Քննարկելու Հայրիկյանին հեղինակային իրավունքով պատկանող սահմանադրության նախագիծը և արձանագրելու, որ քանի սահմանադրությունը գրվում է ընտրովի, ունենալու ենք ընտրովի տնտեսություն, ընտրովի արդարադատություն, արդյունքում ՝ ապիկար իշխանություն: Հարկավոր է իմանալ. Առաջնային մանդատ եզրույթն, իրավամբ, նշանակում է առաջնային ծառայություն երկրին, պետությանը, անկախ պատգամավորի իշխանական կամ ոչ իշխանական ստատուսից։ Այն իր մեջ պարունակում է պատասխանատվություն, այդ թվում՝ նախատեսված քրեական օրենսգրքով։ Ընտրողն արել է իր ընտրությունը ոչ թե նրա համար, որ քաղաքական, իրավական գլխավոր հարթակից ատելության կամ բռնության կոչեր անեք, ցույց տաք միմյանց հոշոտելու կարողությունը, այլ կատարեք ձեր պարտավորությունները ձեզ ընտրած ընտրողների առջև։

Հիշեք, ամենահզոր գիշատիչն անգամ վերջում դառնում է միջատների բաժին։

Լևոն ԲԱՂԴԱՍԱՐՅԱՆ

Լեվ Գրուպ փաստաբանական գրասենյակի գլխավոր տնօրեն

16.08.2021թ.

<<ԼԱՅՎ ՆՅՈՒՍ>> ԼՐԱՏՎԱԿԱՆ ԿԱՅՔ

Առանց Ալիևի և Ադրբեջանի գործողություններին ու հայտարարություններին իրավական, քաղաքական գնահատականներ տալու, Արցախյան հարցը չի լուծվելու

Ավելին` պարարտ հող է նախապատրաստվելու Ալիևի համար` իր պատկերացրած արդարությունը վերականգնելու

Վերնագրում նշված և այլ հարցերի շուրջ է մեր հարցազրույցը «Լև Գրուպ» փաստաբանական գրասենյակի գլխավոր տնօրեն Լևոն Բաղդասարյանի հետ:

– Ադրբեջանի նախագահ Իլհամ Ալիևը համեմատաբար վերջերս պաշտոնապես հայտարարել է Արցախի հարցի լուծման ավարտի մասին, ի՞նչ կարծիքի եք այս հարցի կապակցությամբ:

– Այո, հայտարարել է, բայց արցախյան տարածքները բռնազավթելուց և էթնիկ զտումներ անելուց հետո, որով, իրավամբ, իրագործել է ցեղասպանություն, ինչը կամ չի գիտակցում, կամ միտումնավոր լռում է։

–Իսկ ի՞նչ է անում քաղաքակիրթ աշխարհը:

– Խոսում է Արցախյան հարցի կարգավորման մասին։ Մինչդեռ առանց իրավական և քաղաքական գնահատականներ տալու Ալիևի կամ Ադրբեջանի կողմից Արցախում էթնիկ զտումներ կատարելու, այնուհետ Հայաստանի Հանրապետության տարածք ներխուժելու և այս պահին էլ ՀՀ տարածքի մի մասը բռնազավթած լինելու, Հայաստանի մի հսկայական մասն Ադրբեջանի պատմական տարածք հայտարարելու փաստերին, Արցախյան հարցը ոչ միայն չի լուծվելու, այլ նաև պարարտ հող է նախապատրաստվելու Ալիևի համար` իր պատկերացրած արդարությունը վերականգնելու:

Հայաստանը պատերազմում, ցավոք, պարտվեց, սակայն նրա հետ պարտվեց նաև քաղաքակիրթ աշխարհը` թուրք-ադրբեջանական բարբարոսներին թույլ տալով հաղթել Հայաստանին։ Իսկ Հայաստանը մոտ ապագայում դուրս է գալու այս իրավիճակից և ետ է բերելու իր խլված արժանապատվությունը:

Գաղտնալսումներով` քր. գործով առաջադրված մեղադրանքների «փուչիկը» պայթեց. Ուշագրավ մանրամասներ Նորք-Մարաշի աղմակահարույց գործով